राहतो जरी तुझ्या नशेत मी क्षणोक्षणी....
जाणवे तरी मला तुझी कमी क्षणोक्षणी....
अंग अंग चिंब रंग खेळलो असा गडे..
की स्मरेल हीच रंगपंचमी क्षणोक्षणी....
वाट पाहुनी अधीरता शिगेस पोचली..
मी रहायचे कितीक संयमी क्षणोक्षणी..?
बोलणे नि भेटणे कमी करून टाकले..
मंद होत चालली तुझी हमी क्षणोक्षणी....
नाटकामधील काम संपले जरी तुझे...
जीवनातल्या सुरूच तालमी क्षणोक्षणी....
अमित वाघ...
कोणत्याही टिप्पण्या नाहीत:
टिप्पणी पोस्ट करा