असेलही... नसेलही...
जीवनात चंद्रमा असेलही... नसेलही...
काळजात पौर्णिमा असेलही... नसेलही...
भाग्यदा ललाटरेख शोधली कितीकदा
यापुढे तिची तमा असेलही... नसेलही...
रूप आमचे खरे, अम्हा न दावलेस तू
आरशा तुला क्षमा असेलही... नसेलही...
सांगतो सदैव तारकां-वरील मालकी
पाकिटात या रमा असेलही... नसेलही...!
या जगात एकटेच यायचे नि जायचे
सोबती लवाजमा असेलही... नसेलही...
- प्रसाद शिरगांवकर
कोणत्याही टिप्पण्या नाहीत:
टिप्पणी पोस्ट करा