आजकाल मी मनातल्या मनात बोलतो!
काय वाटते मला कशास कोण ऐकतो?
आजकाल मी मनातल्या मनात बोलतो!
रंग वेदनांस देत राहतो नवे नवे
शेवटी मनात मी सुखेच सर्व रेखतो
मानले ललाटरेष खोडता न येतसे
चौकटी हव्या तशाच पत्रिकेत मांडतो
माझिया मनात काय, ऐक एकदातरी...
जीवना तुझ्यासवे कधीकधीच भांडतो...
रोज रोज मी भिकार, सावकार रोज तू
डाव जाणतो तुझा, तरी मजेत खेळतो!
- प्रसाद शिरगांवकर
कोणत्याही टिप्पण्या नाहीत:
टिप्पणी पोस्ट करा